Hec est conventio facta inter Hervicum de Ledestona et Rogerum clericum filium Rogeri de Ledeshamia anno regni regis Johannis secundo die sancti Petri ad Vincula [] Scilicet quod ipse Hervicus[] dimisit et concessit ipsi Rogero clerico de Ledeshama et cuicumque ipse Rogerus assignare voluerit totum pratum suum quod vocatur Leisingstocking in pratis de Ledeston supra rivulum sine retenemento tenend de se et heredibus suis et habend libere et quiete ab omni servitio xv annos a predicto die pro adquietatione xxx solidorum quos ei pre manibus tradens credidit Et ipse Hervicus et heredes ejus totum predictum pratum predicto Rogero et ei cui assignare voluerit warantizabit et adquietabit et defendet ex omnibus servitiis et consuetudinibus et omni exactione pro predicto prato exigenda contra omnes homines usque ad prenominatum terminum xv annorum Finito autem termino totum predictum pratum quietum remanebit ab ipso Rogero et ab eo cui assignaverit predicto Hervico et heredibus suis ab omni exactione et debito vel quocumque retenemento Istam autem conventionem fideliter tenend et observandam tam ipse Hervicus quam ipse Rogerus sacramenti religione et sigilli sui appositione confirmavit in omnibus prout supra scriptum est Hiis testibus Roberto Walensi Ada de Reinevilla Thoma filio ejus Willelmo de Insula Willelmo filio Everardi Johanne filio Osmundi Jordano fratre ejus [] Jordano de Radf [] Ricardo de Stagno Ricardo el Thoma filiis ejus

Source Fulltext: Chartulary of St. John of Pontefract. Richard Holmes. Yorkshire Archaeological Society, V.25. Yorkshire Archaeological Society. Leeds. 1899.