Omnibus filiis sancte matris ecclesie Adam Coppe de Hauneton[] salutem Sciatis me concessisse et hac presenti carta mea confirmasse intuitu caritatis pro salute anime mee et antecessorum meorum Deo et hospitali de Ierusalem et fratribus ibidem Deo servientibus unam virgatam terre cum pertinentiis in Edinghale quam Henricus Gotgnave dedit eis quam scilicet tenuit de me habendam et tenendam in liberam elemosinam eis et successoribus suis de me et heredibus meis imperpetuum libere et quiete pacifice reddendo inde annuatim michi et heredibus meis ille et successores sui octo solidos argenti ad duos anni terminos scilicet ad nativitatem sancti Iohannis Baptiste quatuor solidos et ad festum sancti Martini quatuor solidos pro omnibus serviciis et consuetudinibus michi et heredibus meis pertinentibus sicut carta ipsius Henrici attestatur Et ut hec mea donacio concessio et confirmacio rata et stabilis permaneat eam presenti scripto et sigilli mei impressione roboravi Hiis testibus domino Willelmo de Vernon[] Rogero de Somervile Roberto Salvein Roberto de Kingesleye Willelmo de Rideware Thoma de Blacfordby et aliis

Source Fulltext: Cartulary of the Knights of St. John of Jerusalem. M. Gervers. Records of Social and Economic History, New Series 6. British Academy. Oxford University Press. Oxford. 1982.