Sciant presentes et futuri quod ego Herveius filius Ricardi de Ledestuna dedi et concessi et hac presenti carta mea confirmavi Ade fratri meo vel illi cui predictus Adam dare vel assignare voluit et suis heredibus in feudo et hereditate pro humagio suo et servicio unam bovatam terre in campis de Ledestuna cum tofto quod Umfridus tenuit de Ricardo patre meo [] in eadem villa de Ledestona cum omnibus pertinentiis et aisiamentis in villa et extra villam ad predictam terram pertinentibus Scilicet illam bovatam terre que propinquior est soli[] de illis quatuor bovatis terre quas habui in prefatis campis de Ledestuna tenend de me et heredibus meis libere et quiete pacifice et integre et honorifice Reddendo inde annuatim mihi et heredibus meis pro omni servitio et consuetudine et seculari exactione pertinente ad predictam bovatam terre cum tofto xl denarios scilicet xxd ad Pentecosten et xxd ad festum sancti Martini Ego autem Herveus et heredes mei warentizabimus hanc predictam bovatam terre cum tofto predicto cum omnibus pertinentiis suis predicto Ade fratri meo vel cui predictus Adam dare vel assignare voluerit et heredibus suis contra omnes homines Pro hac autem donatione et concessione et warantizatione dedit mihi predictus Adam frater meus tres marcas argenti de recognitione Hiis testibus Roberto Walensi Henrico filio suo Rogero de Ledeshama tunc decano Willelmo nepote suo Rogero fratre suo [] Adam de Prestona Ricardo fratre suo Ricardo de Suttona Thoma filio suo Symone de Rupe [] Thoma filio Alani [] Gefreyo de Ledeshama Henrico de Fareburna Rogero filio suo et multis aliis

Source Fulltext: Chartulary of St. John of Pontefract. Richard Holmes. Yorkshire Archaeological Society, V.25. Yorkshire Archaeological Society. Leeds. 1899.