Sciant presentes et futuri quod ego Beatrix quondam uxor Walteri de Queldrich concessi et hac presenti carta mea confirmavi et inperpetuum de me et heredibus meis in viduitatis mee plena potestate quietum clamavi monachis Sancti Johannis Apostoli de Pontefracto totum jus et clamium quod habui vel unquam habere potui nomine dotis in illa bovata terre cum pertinentiis suis in territorio de Ledisham quam Nigellus de Ledisham quondam tenuit de dictis monachis Pro hac autem concessione confirmatione et mea quieta clamatione concesserunt michi dicti monachi quatuor solidos et quinque denarios per annum in tota vita mea ad duos anni terminos percipiendos videlicet ad Pentecosten et ad festum Sancti Martini per equales partes Et ne ego vel heredes mei contra tenorem hujus carte in posterum venire possimus huic scripto fide mea media apposui sigillum meum et dicti monachi transcripto quod penes me retineo sigillum supprioris sui apposuerunt in testimonium Hiis testibus domino Roberto de Stapiltona domino Hugone tunc vicario de Ledishamia Gregorio de Camera Rogero Pateman Adam Freman et aliis

Source Fulltext: Chartulary of St. John of Pontefract. Richard Holmes. Yorkshire Archaeological Society, V.25. Yorkshire Archaeological Society. Leeds. 1899.