Notum[] sit omnibus presentibus et futuris quod ego Ricardus de Redveris[] comes Devon[] anno ab incarnatione Domini mclxi concessi et hac carta mea confirmavi regularibus canonicis Christi ecclesie de Twinham quos Baldewinus comes pater meus et ego inspirante Deo per exhortationem[] venerabilis Henrici Winton[] episcopi Deo servituros in eandem Christi ecclesiam primo introduximus liberam electionem prioris faciendi ut quem canonice inter se elegerint et episcopo Wynton[] meo meorumque heredum assensu presentaverint ipse absque contradictione eidem Christi ecclesie preficiatur Concessi etiam eis ecclesias decimas chersez homines terras tenementa et omnia quecunque sunt et que una die secularium canonicorum fuerunt vel esse poterunt per feudum meum post mortem ipsorum omnia integre in suos usus convertenda de me et de heredibus meis sibi et successoribus suis libere et quiete perpetuo possidenda manerium scilicet de Ningued[] cum appendiciis suis Presteton[] terram de Hamstede [] terram in Hamton[] ecclesiam de Pidelton cum capellis ceterisque pertinentiis prebendam quam habent in eadem villa ex antiquo ecclesiam de Torleia cum adiacenciis manerium de Apsa Duburn[] cum Rogero Maskerell[] Huburn Preston[] la Grave duas Hurn[] dimidiam hidam de Bostell[] totas duas virgatas terre citra pontem de Huvre circumcirca hinc inde husque in Stures et cetera eorum omnia que habent et que habere poterunt super feudum meum decimam de toloneo de feria de Cristescherche decimam de wrech quicquid illud sit cum super feudum meum in parochia eorum evenerit preter de crespeis cuius sinistram noam habere debent primum annuatim salmonem decimam tam salmonum quam omnium novalium rerum mearum intra villam et extra Concessi etiam predictis regularibus canonicis omnes libertates et omnes bonas consuetudines de me et de heredibus meis perpetua libertate possidendas quas decani secularium canonicorum unquam una die melius et liberius ante habuerunt scilicet ut per totam terram meam sine redditione telonei emant et vendant et sint ipsi et homines eorum per totum feudum meum liberi et quieti ab omni exactione preter orationes in bosco in plano in pratis in pasturis in brueria in turberia in viis in semitis in agris in aquis in molendinis in piscationibus in omnibus locis et in omnibus rebus que ad me et ad heredes meos pertineant Preterea concessi eis ut homines eorum ad nullum hundredum et ad nullum placitum veniant nisi ad hundredum murdredi vel homicidii et si forte contingat homines eorum michi vel hominibus meis in aliquo forisfacere iusticia inde sit mea et heredum meorum emendatio et catalla sint prioris et canonicorum ex dono patris mei et meo Si vero homines ecclesie de homicidio vel latrocinio vel alio aliquo scelere fuerint intercepti plenariam curiam suam habeant liberam et quietam ab omnibus sciris placitis querelis et causis sicut decani secularium canonicorum unquam una die melius ante habere consueverant ut in curia sua tractentur et iudicentur secundum rectum coram ministro domini regis et coram meis meorumque successorum ballivis In augmentum vero supradictorum predictis canonicis dedi annuatim salmonem in anniversario patris mei alterum in meo post mortem meam ad pitantiam ut in anniversariis nostris inde recreati devotius et festinius divina pro nobis celebrent obsequia Hanc autem meam meique patris donationem et concessionem presenti scripto et sigillo meo illis confirmavi ut heredibus meis stabile et inconcusse perpetuo permaneant Testibus Henrico et Willelmo fratribus meis Pagano Trencard[] et Roberto filio eius Galfrido de Insula Pagano capellano Hugone Peverell[] Willelmo de Morvill[] et Ivone filio eius Alardo clerico Goldewino clerico cum multis aliis apud Karesbroch

Source Fulltext: Charters of the Redvers Family and the Earldom of Devon. R. Bearman. Devon and Cornwall Record Society, New Series, V.37. Devon and Cornwall Record Society. Exeter. 1994.