Sciant omnes tam presentes quam futuri quod ego Isabell[a] comitissa Gloc[estrie] et Essexie in libera viduitate mea dedi et concessi et hac presenti carta mea confirmavi pro salute anime mee et patris mei et matris mee et omnium antecessorum et successorum meorum deo et beate Marie de Marg[an] et monachis ibidem deo servientibus in puram et perpetuam elemosinam has terras per divisas suas cum pertinentiis suis in feudo de Kenef[eg] et in feudo Novicastell[i] et totam terram Peitevin et terram Hug[onis] de Hereford[ia] et totam terram Wallensiu[m] pro qua reddere solebant annuatim xxxii solidos baillivis de Kenef[eg] et totam moram de Havedhaloc inter duas aquas Kenf[eg] et Baithan et quinquies xx et x et vii acras de dominico mense mee in Novocastell[o] et in eodem feudo Novicastell[i] moram ad aquilonarem partem montis qui dicitur Bridewdecastel et ad orientalem partem eiusdem et terram que dicitur Seietteslond et terram Kederec que iacet ad australem partem iuxta magnam viam que tendit versus Lagelestun[] et terram que dicitur Rofleslond ex altera parte eiusdem magne vie habend et tenend cum omnibus libertatibus et aisiamentis suis de me et heredibus meis libere et quiete ab omni servitio consuetudine et exactione seculari sicut ulla elemosina integrius liberius et quietius teneri potest Preterea dedi eisdem monachis in puram et perpetuam elemosinam et quietum clamavi et remisi imperpetuum totum forinsecum servitium de feudo de Langewi quod ad me vel ad antecessores meos pertinere solebat vel quod ad me vel ad heredes pertinet preter dimidiam marcam solummodo quam mihi et heredibus meis reddent tam pro warda quam pro omni alio servitio de eodem feudo ad nos pertinente Preterea de omnibus tenementis que prefati monachi tenent totum forinsecum servitium quod ad antecessores meos pertinere solebat vel quod ad me vel ad heredes meos pertinet sive sit servitium militis sive venatoris vel alterius cuiuslibet servientis sive etiam servitium coquine seu quodcunque aliud forinsecum servitium ad nos pertinens totum illud servitium eisdem monachis dedi imperpetuam elemosinam et quietum clamavi et relaxavi totaliter imperpetuum preter dimidiam marcam de Langewi Preterea xx et viii denarios de Killeculu[m] et xiiii denarios de terra Gillemichel quos solebant reddere ad coquinam et redditum iiii solidorum et trium obolorum quos solebant annuatim reddere de terra que fuit Ioaf Toidcam iuxta Catteput similiter prefatis monachis in puram et perpetuam elemosinam dedi et relaxavi imperpetuum et totam communam pasture in toto marisco meo ad occidentalem partem ville de Kard[if] inter Thaf et Eley concessi et dedi eisdem imperpetuum reddendo mihi inde vel heredibus pro singulis capitibus averiorum suorum quantum burgenses de Kard[if] reddere solebant pro singulis capitibus averiorum suorum in predicto marisco pascentium tempore Will[elm]i comitis patris mei Ut autem hec predicta donatio mea rata et firma sit imperpetuum eam presenti carta mea confirmavi et sigillo meo munivi His t[estibus]

Source Fulltext: Earldom of Gloucester Charters. The Charters and Scribes of the Earls and Countesses of Gloucester to A.D. 1217. R. B. Patterson. Clarendon Press. Oxford. 1973.