Sciant omnes tam praesentes quam futuri quod ego Gilbertus de Berdesei filius Margaretae de Berdesei filiae Roberti de Boywile concessi et dedi et hac praesenti carta mea confirmavi Deo et B Mariae de Furnes et Abbati et monachis ibidem Deo famulantibus pro salute animae meae et omnium antecessorum et successorum meorum et pro bonis et beneficiis quae michi saepius contulerunt totam terram meam de Alineschales cum pertinentiis absque ullo retenemento quam habui ex dono Margaretae de Berdesei matris meo et quicquid juris in eandem terram habui vel habere potui per omnia sicut carta feoffamenti eiusdem Margaretae quam dicti Abbas et monachi penes se habent plenius inde testatur in super et si quid juris in eandem terram habere potui quod in praefata carta dictae Margaretae omissum est tenend et habend praenominatis Abbati et monachis et eorum successorum vel assignatis in liberam puram et perpetuam elemosinam sicut ulla elemosina liberius et quietius teneri potest et haberi liberam et solutam ab omni servitio saeculari exactione et consuetudine et demanda in bosco in plane in viis in semitis in terris cultis et colendis sartatis et sartandis et in omnibus aliis rebus et aisiamentis libertatibus et utilitatibus super terram et sub terra ad dictam terram pertinentibus Et ego praefatus Gilbertus et heredes mei omnia praescripta cum pertinentiis supradictis Abbati et monachis contra omnes mortales warantizabimus acquietabimus et inperpetuum defendemus Et ut haec mea donatio firma et stabilis perpetuo perseveret praesentem cartam sigilli mei impressione roboravi Acta in Furnes A D m cc lxxii quinto Kal Februarii Testibus dominis Johanne de Kirkeby Alano de Caupland Ricardo de Broghtona militibus etc

Source Fulltext: The Coucher Book of Furness Abbey. J. C. Atkinson. Remains, Historical and Literary, Connected with the Palatine Counties of Lancaster and Chester, New Series V.9. Chetham Society. Manchester. 1886.