Omnibus Christi fidelibus ad quos presentes litere peruenerint Willelmus Cocus ciuis Wigornie et Juliana dicta Scely vxor eiusdem salutem in domino Nouerit vniuersitas vestra nos dedisse concessisse et quietum clamasse pro nobis et heredibus nostris Deo et Beate Marie et domui Hospitalis Sancti Wlstani Wigornie et fratribus et infirmis ibidem Deo seruientibus octo denarios annui redditus quos dicti fratres nobis pro quadam particula terre prope Losemer extra portam de Witernebur[] infra clausum dictorum sita soluere consueuerunt vna cum omni iure et clamio quod nos et heredes seu assignati nostri habuimus uel habere poterimus in particula prenominata Quam quidem donacionem concescionem et quietam clamacionem promisimus fide media corporali sacramento prestito nos iuraturos procuraturos cum omni diligentia ac instancia qua poterimus in aduentu iusticiariorum domini Regis itinerancium cum apud Glouerniam uel Herefordiam seu Wigorniam venerint pro voluntate dictorum fratrum confirmari et coram dictis iusticiariis incirographari Subiciendo nos iurisdictioni officialis domini Wigornie et officialis archidiaconi eiusdem loci et decano loci ut aliquis eorum qui super hac fuerit requisitus si dictam confirmacionem uel incirographacionem procurare prout conuenit non curauerimus uel eidem quod absit contradixerimus uel reclamauerimus uel aliquis nostrum reclamauerit possit nos uel renitentem ex nobis per sentenciam interdicti et excommunicationis de die in them nulla monicione premissa visis presentibus literis sine strepitu judiciali et omni alia iuris solempnitate ad dictam confirmacionem incirographacionem tempestine secundum conuencionem compellere Renunciando quo ad premissa beneficio libellum petendi et inducias deliberatorias exceptiones proponendi exceptioni fori priuilegio cruce signatorum et rege proibicioni appellacionibus inpetracionibus et omni remedio iuris ciuilis et canonici et omni cauillacioni quae nobis posset prodesse et dictis fratribus contra predicta obesse Pro hac autem donacione concescione quietaclamacione et cirographacionis procuracione et presenti obligacione dederunt nobis dicti fratres pro se et successoribus eorum sex solidos sterlingorum premanibus In cuius rei testimonium huic scripto singna nostra apposuimus Et ad maiorem securitatem et ut de plano indicibus memoratis seu cuique eorum qui super hac fuerit requisitus statim visis illis literis nos secundum tenorem istius materii sponte dictis fratribus esse obligatos possit constare et sine omni monicione et strepitu iudiciali ad dictam conuencionem obseruandam secundum formam suprascriptam nos posse compelli singna officialitatis Wigornie et decanatus eiusdem loci huic scripto apponi procurauimus Datum anno domini mcclx primo die Martii ante ramos palmarum et est interliniare procuratur

Source Fulltext: Annals of the Hospital of St. Wulstan. Or the commandery in the city of Worcester, together with a chartulary of the said hospital. Frederick Thomas Marsh. Pipe Roll Society. J. W. Ruddock. Worcester. 1890.