Nouerint vniuersi has litteras visuri vel audituri quod cum Symon decanus ecclesie sancti Probi moueret questionem nomine dicte ecclesie contra priorem montis sancti Michaelis in Cornubia coram priore sancti Nicholai Exon[] geren[te] [u]ices ad totam causam de Graneborn[] et de Brunior[] priorem a domino papa delegatorum super quibusdam decimis prouenientibus de villa de Trewogan infra limites dicte ecclesie sancti Probi quas decimas dictus prior montis sancti Michaelis et monachi eiusdem loci solebant percipere non de jure communi sicut idem Symon asserebat Tandem lis in hunc modum inter eos amicabiliter conquievit videlicet quod dictus Symon nomine ecclesie sue pro se et successoribus suis liti et omni accioni quam intentauerat nomine ecclesie sancti Probi super dictis decimis omnibus et inpetratis et inpetrandis super hoc inperpetuum renunciauit Ita quod dictus prior et successores sui soluent inperpetuum singulis annis vnam libram cere prefate ecclesie sancti Probi in festo sancti Michaelis Hec autem composicio facta fuit de consensu venerabilis R Exon[] episcopi et dictarum parcium in presencia memorati subdelegati scilicet prioris sancti Nicholai Exon[] qui reseruauit sibi potestatem compellendi partes ad predictam composicionem [...] si forte processu temporis contravenire presumpserint tot autem hec amicabilis composicio firma et stabilis inperpetuum perseueret sigilla parcium huic scripto in modum cirographi confecto sunt aposita vna cum sigillis dictorum dominorum R Exon[] episcopi et sepedicti prioris sancti Nicholai Exon[] Actum anno m ducentesimo quadragesimo octauo mense Julij

Source Fulltext: Cartulary of St. Michael's Mount. P. L. Hull. Devon and Cornwall Record Society, New Series, V.5. Devon and Cornwall Record Society. Devonshire Press. Torquay. 1962.