Hec carta indentata testatur quod frater Philippus de Thame sancte domus hospitalis sancti Iohannis Ierusalem prior humilis in Anglia et eiusdem domus fratres unanimi assensu et voluntate concesserunt et per hanc cartam confirmaverunt Iohanni Blaunch[] et Nicholao de Shordych[] unam placeam edificatam continentem in longitudine quatuor perticatas et sex pedes ex parte boriali et in latitudine quinque perticatas et novem pedes ex parte occidentali simul cum muris circumstantibus et aliam placeam continentem in longitudine quinque perticatas et in latitudine ex parte boriali duas perticatas et tres pedes ex parte australi unam perticatam et sex pedes et extendit se iuxta ripam versus orientem et terram nostram versus occidentem simul cum tota illa placea adiacente vocata Beulieu cum pertinentiis in Hakeney que fuerunt Iohannis de Bannebury habendas [et] tenendas omnes predictas placeas cum edificiis super astantibus et pertinenciis predictis Iohanni et Nicholao heredibus et assignatis suis de capitali domino feodi illius per servicia inde debita et de iure consueta Et reddendo predictis priori fratribus et eorum successoribus sex solidos et octo denarios argenti ad quatuor anni terminos equis porcionibus videlicet ad festa sancti Michaelis Archangeli [et] nativitatis sancti Iohannis Baptiste imperpetuum pro omnibus serviciis secularibus exaccionibus et demandis Ita quod si predictus redditus aretro fuerit in parte vel in toto ad aliquem terminum predictum quod bene liceat predictis priori fratribus et successoribus suis in predictis placeis ubique distringere et si sufficiens distaccio per dimidium annum post aliquem terminum elapsum infra predictas placeas inveniri non poterit vel vastum in eisdem factum fuerit tunc bene liceat predictis priori fratribus et successoribus suis predictas placeas cum pertinenciis ad quorumcumque manus devenerit ingredi et eas penes se retinere quousque de arreragiis et dampnis eis plenarie fuerit satisfactum In cuius rei testimonium sigillum commune dicti prioris et fratrum scilicet cum sigillis predictorum Iohannis et Nicholai hiis indenturis alternatim sunt appensa Datum apud Clerkenwell[] in capitulo dicti hospitalis die veneris proxima post festum apostolorum Petri et Pauli anno regni regis Edwardi tercii post conquestum vicesimo tercio Ita carta irrotulatur in visu de Hakeneye anno regni regis Henrici sexti sexto

Source Fulltext: Cartulary of the Knights of St. John of Jerusalem. M. Gervers. Records of Social and Economic History, New Series 23. British Academy. Oxford University Press. Oxford. 1996.