Sciant presentes et futuri quod ego Margareta atte Hell de Rowenhall dedi concessi et presenti carta mea confirmavi Iohanni de Burghch et Waltero de Wotton omnia terras et tenementa que habeo iure et hereditarie in villa de Rowenhall et Stansted in hamelet de Halsted post mortem Iohannis atte Hell patris mei ut in mesuagiis terris harabilibus pratis pascuis viis semitis boscis redditibus wardis releviis escaetis et omnibus aliis pertinentiis suis habend et tenend omnia predicta terras et tenementa cum omnibus pertinentiis suis ut predictum [est] predictis Iohanni et Waltero et heredibus eorum et eorum assignatis de capitalibus dominis feodi illius per servicium inde debita et de iure consueta Et ego predicta Margareta et heredes mei omnia predicta terras et tenementa cum omnibus suis pertinentiis ut predictum est predictis Iohanni et Waltero et heredibus eorum et eorum assignatis contra omnes gentes warantizabimus in perpetuum In cuius rei testimonium huic presenti carte sigillum meum apposui Hiis testibus domino Iohanne de Coggeshall milite Iohanne Rekedon Iohanne Monchensi Adam le boteler Iohanne Gerard et aliis Datum apud Halsted die mercurii post festum sancti Bartholomei anno regni regis Edwardi tercii a conquestu vicesimo tercio

Source Fulltext: Cartulary of the Knights of St. John of Jerusalem. M. Gervers. Records of Social and Economic History, New Series 6. British Academy. Oxford University Press. Oxford. 1982.