Universis sancte Matris ecclesie fidelibus tam presentibus quam futuris frater Ricardus de Hastyng[es] et tocius capituli Anglie conventus salutem In noticiam vestram veniat nos consilio et assensu tocius capituli nostri concessisse et hac carta nostra confirmasse Roberto de Wicha terram nostram que fuit fratris Ailbricti excepta tenura duorum hominum nostrorum videlicet Alfrichi et Leswini Preterea concedimus predicto Roberto quatuor acras quas Willelmus de Hastyng[es] nobis dedit et duas acras prati apud Stratford[] ut predictus Robertus et heredes sui omnes predictas terras habeant et teneant in feodo et hereditate solvendas domino Templi annuatim pro omnibus serviciis duas marcas argenti et sex trussas straminis scilicet medietatem ad Pascha et medietatem ad festum sancti Michaelis Et ut hec nostra concessio firma et stabilis permaneat tam presentis scripti testimonio et sigillo nostri apposicione confirmamus Huius concessionis testes sunt Baldewinus Leofwinus Alwinus et totum capitulum Templi in domo Templi London[iis] Intratur in visu tento apud Hakney anno regni regis Henrici sexti sexto

Source Fulltext: Cartulary of the Knights of St. John of Jerusalem. M. Gervers. Records of Social and Economic History, New Series 23. British Academy. Oxford University Press. Oxford. 1996.