Notum sit omnibus presentibus et futuris quod ego Robertus de Stapiltona[] concessi et donavi et hac presenti carta mea confirmavi deo et ecclesie sancti Johannis de Pontefracto et monachis ibidem deo servientibus toftum Willelmi Ruffi in Pontefracto cum homavagio suo et heredum suorum salvo tenemento ejusdem Et alium toftom qui est in Suthgata in Pontefracto inter terram Ade de Rainevilla et Willelmi de Federstana pro salute anime mee et patris mei et avi mei et avi mee et omnium parentum meorum in puram et perpetuam elemosinam et liberum ab omni exactione de me et de heredibus meis in excambio pro tribus bovatis terre in Osmundthorp quas prius dederam eis in excambio terre de Armeslie quam prius habuerunt ex concessione et donatione mea Preterea dedi predictis monachis unum toftum in Pontefracto super vivarium [] unde facient precationem ad anniversarium antecessorum meorum et confirmo eis in Birum[] de feudo meo unam bovatam terre ex donatione Willelmi filii Hervei Ipsi vero monachi facient annuatim anniversarium pro patre meo et avo et ceteris parentibus meis Has tenuras warentizabimus ego et heredes mei contra omnes homines Hujus rei testes sunt Rainerus clericus de Derfeld Willelmus filius Hervei Petrus de Tollestun et Ricardus et Alanus fratres sui Herbertus de Arcubus de Cuingerestuna Willelmus filius Morker Walterus de Tolosa Ricardus de Stapiltona et Hugo frater ejus Walterus filius Hugonis Ricardus de Archis Jordanus de Ledestuna Rogerus de Ledestuna

Source Fulltext: Chartulary of St. John of Pontefract. Richard Holmes. Yorkshire Archaeological Society, V.25. Yorkshire Archaeological Society. Leeds. 1899.