Noverint universi per presentes litteras inspecturi quod nos frater Thomas Larchier sancte domus hospitalis sancti Iohannis Ierusalem prior humilis in Anglia et eiusdem domus fratres unanimi voluntate et assensu concessimus et per presentes confirmavimus Iohanni de Snodenham et Iohanni de Leyton[] clerico ad totam vitam eorumdem triginta duas acras terre et duas acras prati cum pertinentiis in Chingleford[] que quondam fuerunt Danielis de Chyngleford[] tenendum de nobis et successoribus nostris per servicium unius marce argenti nobis et successoribus nostris ad Fontem Clericorum iuxta London[iam] ad festa purificacionis beate Marie et nativitatis beati Iohannis Baptiste per equales porciones annuatim persolvende faciendo eciam capitalibus dominis feodi servicia inde debita et consueta concedunt insuper predicti Iohannes et Iohannes et per presentes obligantur nobis quod quilibet eorum dabit nobis aut successoribus nostris viginti solidos sterlingorum nomine obitus in cessu vel decessu suo et dictas triginta duas acras terre et duas acras prati in adeo bono statu dimittent post eorum obitum quo eas receperunt sive in meliori In cuius rei testimonium sigillum nostrum commune et dictorum Iohannis et Iohannis hiis scriptis indentatis alternatim sunt appensa Datum in celebracione capituli nostri apud Fontem Clericorum iuxta London[iam] vicesimo septimo die mensis iunii anno Domini millesimo trecentesimo vicesimo quinto et anno regni regis Edwardi filii regis Edwardi decimo octavo

Source Fulltext: Cartulary of the Knights of St. John of Jerusalem. M. Gervers. Records of Social and Economic History, New Series 23. British Academy. Oxford University Press. Oxford. 1996.