Hec indentura testatur quod frater Iohannes Dalton[] nomine prioris et fratrum hospitalis sancti Iohannis Ierusalem in Anglia concessit et ad firmam tradidit Iohanni Grenested[] rectoriam nostram de Reyndon[] iuxta Ware cum omnibus redditibus firmis terris pascuis pasturis decimis molendino nostro aquatico et cum omnibus aliis pertinentiis dicte rectorie pertinentibus grosso bosco nostro ibidem nobis reservato habendam et tenendam predictam rectoriam cum omnibus pertinentiis suis predicto Iohanni Grenested[] exceptione preexcepto a festo sancti Barnabe apostoli proximo futuro post datum presencium usque ad finem duodecim annorum proximorum sequenciorum et plenarie completorum reddendo indo annuatim predicto fratri Iohanni et successoribus suis apud Clerkenwell[] quadraginta quatuor marcas auri vel argenti ad duos anni terminos videlicet ad festum Natale Domini viginti duas marcas et ad festum sancti Barnabe apostoli viginti duas marcas et predictus Iohannes solvet annuatim vicario ibidem qui pro tempore fuerit viginti sex solidos octo denarios pro pensione sua et predictus Iohannes Grenested[] reparabit et sustentabit omnes domos muros et clausuras in dicta rectoria situatos molendinum et stagnum illaque in fine termini sui in bono statu dimittet una cum toto stauro vivo et mortuo vel precium eiusdem stauri et tot acras terre seminatas cuiuslibet generis grani cultas warectas rebinatas et compostatas prout in dorso huius indenture plenius continetur ac eciam omnia alia onera dicte rectorie incumbenta durante termino supradicto Nec licebit dicto Iohanni Grenested dictam rectoriam alicui dimittere sine licencia nostra vel successorum nostrorum durante termino supradicto Et predictus Iohannes habebit meremium in predicto bosco pro reparacione domorum predictarum eciam pro carucis et carectis per visum et liberacionem alicuius per preceptorem de Clerkenwell[] qui pro tempore fuerit ad hoc assignandus Idem Iohannes vult et concedit quod si predicta firma quadraginta quatuor marcarum aretro fuerit in parte vel in toto ad aliquem terminum per quindenam vel in reparacione domorum molendini clausararum murorum seu in aliqua convencione prescripta defecerit quod extunc bene liceat predicto fratri Iohanni et successoribus suis in dictam rectoriam reingredi cum omnibus bonis et catallis in eadem inventis et retinere quoudque de predicta firma vasto dampnis et defectis huiusmodi plenarie fuerit satisfactum Et predictus Iohannes vult et concedit quod bene liceat dicto fratri Iohanni et successoribus suis semel quolibet anno termini predicti mittere aliquem de servientibus suis ad dictam rectoriam superindendam cuiusdam idem Iohannes Grenested sumptibus suis propriis inveniet competentia esculentia et poculenta et sustentacionem pro equo suo per unum diem et noctem Ad que omnia et singula premissa bene et fideliter tenenda et observanda predictus Iohannes Grenested obligat se heredos et executores suos ac omnia bona et catalla sua per presentes In cuius rei testimonium partes predicte hiis indenturiis alternatimsigilla sua apposuerunt Data apud Clerkenwell[] in festo apostolorum Philippi et Iacobi anno regni regis Ricardi secundi post conquestum terciodecimo

Source Fulltext: Cartulary of the Knights of St. John of Jerusalem. M. Gervers. Records of Social and Economic History, New Series 23. British Academy. Oxford University Press. Oxford. 1996.