Sciant presentes et futuri quod ego Gilbertus de Marisco concessi remisi et quietum clamavi de me et de heredibus meis Willelmo Lenveisie et heredibus suis imperpetuum totam terram illam cum omnibus suis pertinentiis in parochia de Auvelers que vocatur Halvehyd[] quam habui de dono et confirmacione Sawini de Wenintone et quam ipse Sawinus tenuit de dicto Willelmo Lenveise per finalem concordiam factam in curia domini regis et est de feodo ipsius Willelmi Preterea sursum reddidi et deliberavi eidem Willelmo omnia munimenta que de dicta terra habui ad securitatem mei vel meorum videlicet cartam quam habui de dicto Sawino de dicta terra et cyrographum factum in curia domini regis inter dictum Sawinum et Galfridum Lenveise patrem ipsius Willelmi ita scilicet quod ego Gilbertus nec heredes mei nec aliquis per nos neque pro nobis in predicta terra cum omnibus pertinentiis suis nichil iuris exigere vel clamare poterimus neque in dominico neque in servicio Pro hac autem concessione remissione et quieta clamancia dedit michi predictus Willelmus undecim marcas argenti et Matildi uxori mee unam marcam argenti et Iohanni filio meo et heredi dimidiam marcam Et ut hec mea concessio remissio et quieta clamancia perpetuum firmitatis robur optineant presens scriptum sigillo meo signatum ei feci in testimonium et munimen Hiis testibus Willelmo Dune Ioceo clerico de Turroke tunc ballivo hundredi de Chafford[] Iohanne filio Baldewini Hugone Bret Gervasio de Wenintone Ada Iuvene Thoma Nichole Henrico filio Reginaldi de Turroke Marciano de Auvlers Vincencio de Hakef[ord] Geraldo clerico et aliis

Source Fulltext: Cartulary of the Knights of St. John of Jerusalem. M. Gervers. Records of Social and Economic History, New Series 23. British Academy. Oxford University Press. Oxford. 1996.