Sciant presentes et futuri quod ego Simon le clobbere dedi et concessi et hac presenti carta mea confirmavi Willelmo Lenveise pro homagio et servicio suo et pro quinque marcis argenti quas michi dedit in gersumam quatuor acras terre cum pertinentiis in marisco et in parochia de Auvlers unde tres acre terre cum pertinentiis iacent simul in latitudine inter terram Thome Ynge et comunam foveam que vocatur le Thrudich[] et extendunt se in longitudine ab aquilone versus merediem videlicet a predicta quarta acra usque ad terram predicti Willelmi et una acra terre cum pertinentiis iacet in latitudine inter regale iter quod tendit versus forum de Auvlers et terram predicti Thome Ynge et predictas [tres] acras terre habendam et tenendam dictam terram cum pertinentiis de me et heredibus meis dicto Willelmo et suis heredibus et assignatis suis vel cuicumque eam dare vendere vel assignare voluerint loco religionis et Iudeis exceptis libere quiete bene et in pace integre et hereditarie in viis et semitis in aquis et fossatis in planis et pascuis in introitibus et exitibus et in omnibus liberis aisiamentis ad dictam terram spectantibus per liberum servicium duorum solidorum michi et heredibus meis et meis assignatis inde annuatim ad duos terminos anni reddendorum scilicet in octaba Pasche duodecim denarios et infra octabam sancti Michaelis duodecim denarios pro omni servicio consuetudine secta curie herietis wardis auxiliis ad filiam maritandum et ad filium militem faciendum et pro omni seculari exaccione Et ego predictus Simon et heredes mei et mei assignati warantizabimus acquietabimus et defendemus predictam terram cum pertinentiis predicto Willelmo et suis heredibus et assignatis suis contra omnes homines et feminas per predictum liberum servicium imperpetuum et sciendum quod quando successio heredum de predicta terra evenerit ego dictus Simon nec heredes mei vel assignati nostri vel eorum heredes nichil poterimus pro relevio predicte terre exigere nisi tantummodo duos solidos argenti Et in huius rei testimonium hoc presens scriptum sigillo meo roboravi Hiis testibus Gilberto de Marisco Hugone le Bret Sawino de Wenitone Iohanne filio Baldewini Gervasio de Wenitone Ada Iuvene Radulpho de Kent Iohanne Iuvene Simone Wisman[] Iordano le veel Philippo textore et multis aliis

Source Fulltext: Cartulary of the Knights of St. John of Jerusalem. M. Gervers. Records of Social and Economic History, New Series 23. British Academy. Oxford University Press. Oxford. 1996.