Omnibus Christi etc dominus Willelmus de Arderne salutem in Domino Noverit etc concessisse et dedisse et hac presenti carta mea confirmasse Deo et beate Marie et fratribus hospitalis Ierusalem et domui hospitalis de Chaur[ia] pro salute anime mee et antecessorum meorum et successorum in liberam et puram et perpetuam elemosinam totam terram quam Iohannes Pod tenuit de me et de antecessoribus meis in villa de Chaur[ia] de feodo meo cum omnibus pertinentiis et totum ius quod in illo tenemento habui vel habere potui pro me et heredibus meis tenendum et habendum illud tenementum cum omnibus pertinentiis suis de me et heredibus meis predicte domui et fratribus libere et quiete ab omnibus secularibus serviciis consuetudinibus et demandis in campis in pratis in fossatis in sepibus in viis in semitis et in pasturis et in omnibus rebus ad illud tenementum pertinentibus et ad cariandum et ad fugandum a domo sua de Chaur[ia] ultra terram meam ubicumque eis melius expedierit ad illud tenementum Et ego predictus Willelmus et heredes mei warantizabimus totum predictum tenementum cum omnibus pertinentiis predictis fratribus imperpetuum sicut puram et perpetuam et liberam elemosinam contra omnes homines et feminas Hiis testibus etc

Source Fulltext: Cartulary of the Knights of St. John of Jerusalem. M. Gervers. Records of Social and Economic History, New Series 23. British Academy. Oxford University Press. Oxford. 1996.