Hec est convencio facta inter Iohannem filium Galfridi le Enveyse ex una parte et Willelmum Iuvenem de Wenytone ex altera videlicet quod predictus Iohannes tradidit dimisit ac concessit dicto Willelmo omnes terras et tenementa cum omnimodis suis pertinentiis que hereditarie tenuit in villis de Alvithele et Wenitone habend et tenend predicto Willelmo et suis heredibus vel cui assignare vel delegare voluerit a festo sancti Michaelis anno regni regis Edwardi filii regis Henrici nono usque ad finem et terminum trium annorum proximorum sequencium et plenarie completorum una cum dote quam Iohanna que fuit uxor Willelmi le Enveise et Agnes que fuit uxor Galfridi le Enveyse inde tenent si interim acciderit in terris tenementis domibus edificiis pratis pascuis sepibus arboribus fossatis homagiis serviciis redditibus releviis wardis herietis escaetis et omnibus aliis rebus ad ea pertinentibus Et predictus Willelmus et heredes sui vel sui assignati dabunt eidem Iohanni qualibet septimana per annum pro victu suo decem denarios et insuper reddent inde per annum dicto Iohanni vel heredibus suis viginti solidos sterlingorum scilicet ad Pascha decem solidos et ad festum sancti Michaelis decem solidos et etiam reddent eidem Iohanni vel suis heredibus per predictum terminum singulis annis unam robam precii unius marce et nichilominus facient dominis feodi illius omnia servicia que eis debentur inde per annum exceptis sectis curie et predictus Iohannes et heredes sui per totum predictum terminum eidem Willelmo et suis heredibus et assignatis suis omnia predicta ut predictum est contra omnes gentes warantizabunt acquietabunt et defendent et predictus Iohannes et heredes sui non poterunt aut debent infra predictum terminum predictas terras et tenementa aut partem inde alicui vendere in feodo seu ad terminum committere set si contingat quod velint diucius ad terminum committere predictas terras et tenementa vel partem inde predictus Willelmus et heredes sui et sui assignati tenebunt et habebunt omnia predicta ulterius post predictum terminum elapsum faciendum per annum secundum formam supradictam et si idem Iohannes aut heredes sui predictas terras et tenementa vel partem inde vendere voluerint in feodo predictus Willelmus et heredes sui et sui assignati propriores erunt omnibus aliis hominibus si tamen dare voluerint quantum aliquis alius Ad hanc convencionem fideliter inter se tenend uterque eorum affidavit et presenti scripto sigillum suum apposuit mutuatim Hiis testibus Thoma de Quercu Wygayn de Bolland Iohanne Gasewey Iohanne Marcian Thoma monacho Roberto clerico Iohanne de Walla Iohanne Lece Willelmo Wysman et aliis

Source Fulltext: Cartulary of the Knights of St. John of Jerusalem. M. Gervers. Records of Social and Economic History, New Series 23. British Academy. Oxford University Press. Oxford. 1996.