Omnibus [etc] Thomas dei permissione abbas Egneshamie et eiusdem loci conuentus salutem in domino sempiternam Nouerit uniuersitas uestra nos concessisse et ad firmam tradidisse Ricardo de Thocwyke totum tenementum nostrum quod habemus in Folebroke in comitatu Buk[] cum omnibus pertinenciis suis ad totam suam [uitam] reddendo inde nobis annuatim quamdiu uixerit quatuor marcas argenti ad quatuor anni terminos uidelicet ad festum sancti Thome ad festum beate Marie in Marcio ad festum beati Iohannis Baptiste et ad festum sancti Michaelis pro equis porcionibus diuidendas Egneshamie soluendas Et dictus Ricardus dictum tenementum in omnibus et singulis suis sustentabit ad minus in tam bono statu quo illud recepit Et si in solucione dicti redditus terminis statutis seu in dicti tenementi prout predicitur sustentacione idem Ricardus defecerit liceat nobis in dicto tenemento per omnia mobilia si necesse fuerit ibidem inuenta namiare quousque de premissis nobis satisfecerit competenter Et cum idem sublatus fuerit de medio dictum tenementum cum omnibus pertinenciis edificiis libertatibus aisiamentis nobis et successoribus nostris plenarie et sine contradiccione diminucione deterioracione impedimento seu cuiuscunque calumpnia integre reuertatur saluis eidem Ricardo succedentibus seu eiusdem executoribus rebus suis mobilibus de iure saluandis Et idem Ricardus uisum franchiplegg[ii] ut noster balliuus ibidem tenebit et libertates nostras sustentabit et totum commodum cum honere habebit ad totum terminum predictum Et nos [etc] quamdiu uixerit In cuius [etc] Datum et actum Egneshamie in festo sancti Michaelis anno domini m cc lxxx primo

Source Fulltext: Cartulary of the Abbey of Eynsham. H. E. Salter. Oxfordshire Record Society, New Series V.49. Oxfordshire Record Society. Clarendon Press. Oxford. 1907.