Noverint universi tam presentes quam futuri quod ego Hasculfus le Bret pro salute anime mee et antecessorum et successorum meorum ac parentum meorum concessi remisi et omnino de me et heredibus meis quietum clamavi imperpetuum Deo et beate Marie virgini et beato Iohanni Baptiste et pauperibus sancte domus hospitalis de Ierusalem et fratribus in eadem domo Deo servientibus totum ius et clameum quod unquam habui habeo seu aliquo modo habere potero in triginta acris terre arabilibus et tribus acris et una roda prati in territorio de Kelington[] quod est in parochia de Alvithele in campo qui vocatur Philepurs habendas et tenendas predictas triginta acras terre et tres acras et unam rodam prati ipsis fratribus et domui hospitalis predicti in puram et perpetuam elemosinam liberam et quietam ab omni seculari servicio et exaccione imperpetuum reddendo inde tamen per annum michi et heredibus vel assignatis meis duodecim denarios ad duos terminos anni scilicet ad festum Pasche sex denarios et ad festum sancti Michaelis sex denarios pro omni alio servicio et demanda ad dictam terram quoquomodo pertinentibus ita quod nec ego nec heredes nec assignati mei aliquid iuris vel clamei in predictis terris et prato de cetero exigere clamare vel vendicare poterimus infuturum sed ab omni accione perpetuis temporibus simus exclusi per hoc scriptum excepto servicio duodecim denariorum supradictorum et ego predictus Hasculfus et heredes mei warantizabimus et defendemus predictam terram et pratum dictis fratribus et suis successoribus contra omnes gentes imperpetuum pro servicio predicto Et ut hec mea concessio et quieta clamacio rata sit et stabilis eam presentis scripti munimine et sigilli mei testimonio roboravi Hiis testibus Gilberto filio Galfridi de Marisco Gerardo de Garpevill[] Iordano de Lond[onio] Ada clerico de Kelington[] Iohanne filio Baldewini Iohanne filio Salamonis Iohanne clerico qui hanc quietam clamanciam fecit et multis aliis

Source Fulltext: Cartulary of the Knights of St. John of Jerusalem. M. Gervers. Records of Social and Economic History, New Series 23. British Academy. Oxford University Press. Oxford. 1996.