Sciant presentes et futuri quod ego Matildis filia Henrici Gasewey dedi et concessi et hac presenti carta mea confirmavi Sarre filie Willelmi Lenveyse pro homagio et servicio suo et pro sexdecim solidis argenti quos michi dedit in gersumam duas acras et dimidiam terre cum pertinentiis et cum annuo redditu trium denariorum a Iohanne Hacun et suis heredibus et assignatis suis annuatim recipiendorum in parochia de Alvithelle que quidem terra cum pertinentiis iacet in latitudine inter terram quondam Serlonis Guiun et terram quondam Hugonis Puinane et extendit se in longitudine a strata que dividit feodum hospitalis sancti Iohannis Ierusalem et feodum de Kelynton[] versus merediem usque ad terram quondam Henrici fabri habendam et tenendam predictam terram simul cum predicto redditu et cum pertinentiis de me et heredibus meis et meis assignatis dicte Sarre et suis heredibus vel cuicumque aut quibuscumque predictam terram simul cum predicto redditu et cum pertinentiis dare vendere vel assignare voluerit libere quiete bene et in pace integre et hereditarie in viis et semitis in aquis et fossatis in pascuis in introitibus et exitibus et in omnibus liberis aisiamentis ad dictum tenementum spectantibus per liberum servicium quinque denariorum et oboli michi et heredibus meis et meis assignatis inde annuatim ad duos terminos anni reddendorum scilicet ad Pascha duos denarios et tres quadrantes et ad festum sancti Michaelis duos denarios et tres quadrantes pro omni servicio consuetudine secta curie et omnimodis sectis auxiliis herietis et omni seculari exaccione et ego predicta Matildis et heredes mei et mei assignati warantizabimus acquietabimus et defendemus predictam terram cum predicto redditu et cum pertinentiis predicte Sarre et eius heredibus et assignatis suis contra omnes homines et feminas per predictum liberum servicium imperpetuum Et ut hec mea donacio concessio carte confirmacio warantizacio acquietacio et defensio stabilis rata et inconcussa permaneat imperpetuum hoc presens scriptum sigilli mei impressione roboravi Hiis testibus Hugone le Bret Thoma Bernard[] Ricardo del Fen Iohanne Gasewey Iohanne Marcien Iohanne clerico Fulcone de Dune clerico Radulpho de Kent Willelmo filio Gervasii Ada le Iofne Radulpho Gernet Iohanne de Walla Roberto le Iofne et multis aliis

Source Fulltext: Cartulary of the Knights of St. John of Jerusalem. M. Gervers. Records of Social and Economic History, New Series 23. British Academy. Oxford University Press. Oxford. 1996.