Sciant presentes et futuri quod ego Iordanus faber et Albreda uxor mea concessimus et quietum clamavimus Deo et sancto Iohanni et fratribus hospitalis in Anglia Ierusalem unam acram terre cum pertinentiis que iacet inter terras Normanni de Bumsted[] in villa de Bumsted[] Heliun quam habuimus ad terminum ex concessione Helewise filie Ricardi le squier et quietum clamavimus totum ius et clamium quod vel habuimus vel habere poterimus in prenominata acra prefatis fratribus in perpetuum remansura Et pro hac concessione et quieta clamacione dederunt nobis prenominati fratres octo solidos sterlingorum Et tam ego Iordanus quam uxor mea Albreda fide media et sacramento corporali prestito nos obligavimus quod predictos fratres pro predicta acra terre nunquam molestabimus Et in huius rei testimonium huic scripto sigillum meum apposui et uxor mea Albreda quia signum proprium non habuit signum Gilberti filii Warini apposuit Hiis testibus magistro Henrico de Nuttele Gilberto filio Warini Lancelino filio Radulphi Roberto filio Hugonis et multis aliis

Source Fulltext: Cartulary of the Knights of St. John of Jerusalem. M. Gervers. Records of Social and Economic History, New Series 6. British Academy. Oxford University Press. Oxford. 1982.