Omnibus Christi etc Willelmus Dei gratia London[iensis] episcopus in salutis auctore salutem Noverit universitas vestra quod nos inspectis cartis Alvredi de Bendavilla et Sibille uxoris eius et nobilis viri Gilleberti comitis Clare necnon et carta venerabilis predecessoris nostri g[ilberti] quondam London[iensis] episcopi ex earum serie comprehendimus ipsos ecclesiam de Chauria cum terris et decimis et omnibus ad eam pertinentibus fratribus sancte domus hospitalis Ierusalem libere et canonice in perpetuam elemosinam contulisse Nos itaque eorum concessionem gratam et ratam habentes predictam ecclesiam de Chaur[ia] cum omnibus ad eam pertinentibus predictis fratribus pontificali auctoritate confirmavimus concedentes quod ipsi omnes fructus et obvenciones ipsius ecclesie in usus suos habeant imperpetuum salva vicaria ad valenciam novem marcarum per annum quam idem fratres assignabunt vicario qui in eadem ecclesia ministrabit a nobis et officialibus nostris in episcopalibus consuetudinibus et in procuracione archidiaconi respondebit Et ut hec concessio nostra stabilis et firma permaneat eam presentis scripti serie et sigilli nostri apposicione roborare curavimus salvis iure et dignitate ecclesie London[iensis] in omnibus Data apud Stubbeheth quinto decimo kalendas iunii anno ab incarnacione Domini millesimo ducentesimo septimo Hiis testibus magistro Simone de Glouc[estria] et aliis etc

Source Fulltext: Cartulary of the Knights of St. John of Jerusalem. M. Gervers. Records of Social and Economic History, New Series 23. British Academy. Oxford University Press. Oxford. 1996.