Omnibus sancte matris ecclesie filiis hoc presens scriptum visuris vel audituris Rosia quondam uxor Helye marchall[] domina de parva Brokesheved salutem Noverit universitas vestra me divine caritatis intuitu in mea propria viduetate et legitima potestate dedisse et concessisse et hac presenti carta mea confirmasse et omnino me dimisisse de me et heredibus meis sine aliquo retenemento Deo et beate Marie et beato Iohanni Baptiste et beatis pauperibus sancte domus hospitalis Ierusalem et eiusdem fratribus apud Chaur[iam] commorantibus pro salute anime mee et antecessorum meorum et successorum meorum in liberam puram et perpetuam elemosinam sicut aliqua elemosina melius et liberius dari potest domui religionis totam meam terram cum omnibus pertinentiis quam habui vel habere potui in parva Brokesheved in parochia de Chaur[ia] scilicet in boscis in pratis in pasturis in redditibus in consuetudinibus in viis in semitis et in omnibus rebus et libertatibus ad illud tenementum pertinentibus habendam et tenendam de me et heredibus meis predicte domui et fratribus eiusdem domus hospitalis libere quiete integre ab omnibus serviciis et secularibus demandis salvo servicio domini regis quantum ad tantum pertinet tenementum Et ego predicta Rosia et heredes mei warantizabimus et defendemus totum predictum tenementum cum suis pertinentiis predicto hospitali et eiusdem fratribus imperpetuum sicut nostram puram et perpetuam et liberam elemosinam contra homines omnes et feminas domum religionis et Iudeos Et ut hec mea donacio et carte mee confirmacio rata sit et stabilis et inconcussa permaneat hoc presens scriptum sigilli mei munimine corroboravi Hiis testibus domino Willelmo de Waletun etc

Source Fulltext: Cartulary of the Knights of St. John of Jerusalem. M. Gervers. Records of Social and Economic History, New Series 23. British Academy. Oxford University Press. Oxford. 1996.