Sciant presentes et futuri quod ego Willelmus Huberd[] de Swapham dedi concessi et hac presenti carta mea confirmavi Gilberto Adbregge de Olmestede pro homagio et servicio suo totam dimidiam illam terram quam prius tenuit de Mauricio de Bumstede cum pertinentiis suis habendam et tenendam de me et de heredibus meis illi et heredibus suis in legitimo matrimonio a se descendentibus libere et quiete bene et in pace et hereditarie reddendo inde annuatim michi et heredibus [meis] ille et heredes sui duodecim denarios ad duos anni terminos scilicet ad festum sancti Michaelis sex denarios et ad Pascha sex denarios pro omnibus serviciis consuetudinibus et demandis Et ego Willelmus et heredes mei warantizabimus predictam terram predicto Gilberto et heredibus suis a se legitime descendentibus per predictum servicium contra omnes gentes Et si ita contigerit quod predictus Gilbertus sine herede legitimo a se decesserit tota predicta terra redibit prefato Willelmo vel suis heredibus sine omni contradiccione Et ut hec mea donacio et carte mee confirmacio stabilis et firma permaneat hoc scriptum sigilli mei aposicione roboravi Hiis testibus Roberto Posseball[] Symone Hurell[] Willelmo Alwyne Willelmo ordgnor David freman[] de Caumpe et multis aliis

Source Fulltext: Cartulary of the Knights of St. John of Jerusalem. M. Gervers. Records of Social and Economic History, New Series 6. British Academy. Oxford University Press. Oxford. 1982.