Omnibus Christi etc Editha soror Rosie le stablere salutem etc Noverit universitas vestra me divine pietatis intuitu pro salute anime mee et antecessorum et successorum meorum in legitima potestate mea concessisse et omnino quietum clamasse Deo et beate Marie et sancto Iohanni Baptiste et beatis pauperibus sancte domus hospitalis Ierusalem et fratribus eiusdem domus hospitalis apud Chaur[iam] commorantibus totum ius et clameum quod habui vel habere potui pro me et heredibus meis in illo tenemento quod Rosia soror mea dedit dicte domui hospitalis et fratribus in Brokesheved parva in parochia de Chaur[ia] cum omnibus pertinentiis et commoditatibus et eysiamentis dicto tenemento spectantibus absque ullo retenemento mei vel meorum tenenda et habenda dicte domui hospitalis et fratribus in liberam puram et perpetuam elemosinam adeo liberius et quiecius sicut aliqua elemosina dari potest et conferri viris religionis faciendo inde debitum servicium secundum quod carta proportat quam dicti fratres habent de dono Rosie sororis mee Ego Editha et heredes mei warantizabimus acquietabimus et defendemus predictum tenementum cum omnibus pertinentiis suis dicte domui hospitalis et fratribus contra omnes mortales imperpetuum et domus religionis et Iudeos Et ut hec mea concessio et quieta clamacio rata sit et stabilis imposterum presens scriptum sigilli mei impressione roboravi Hiis testibus domino Willelmo de Wauton[] milite et aliis etc

Source Fulltext: Cartulary of the Knights of St. John of Jerusalem. M. Gervers. Records of Social and Economic History, New Series 23. British Academy. Oxford University Press. Oxford. 1996.