Notum sit omnibus etc quod ego Laurencius cognominato diabolus de Stanford[] dedi remisi quietum clamavi de me et heredibus meis Deo et beate Marie et sancto Iohanni Baptiste et beatis pauperibus sancte domus hospitalis Ierusalem et fratribus eiusdem domus intuitu caritatis et pro salute anime mee et animarum patris et matris mee et omnium antecessorum et successorum meorum omne ius meum et clameum quod habui in terra de Brokesheved tam in terris cultis quam non cultis et tam in hominibus de Frudenhale quam in serviciis eorum et tam in boscis quam in pratis et pasturis et gardinis et in omnibus rebus de iure ad me vel heredes meos de terra prenominata spectantibus in puram et perpetuam elemosinam ita quod nec ego pretaxatus Laurencius nec heredes mei aliquod ius vel clameum in predicta terra nec in hominibus nec in serviciis eorum nec in boscis nec pratis nec pasturis nec gardinis nec in aliquibus pertinentibus ad predictam terram poterimus aliquo tempore contra predictos fratres domus hospitalis Ierusalem clamare Predicti autem fratres caritative receperunt me in omnibus beneficiis que fiunt et fient in predicta domo hospitalis Ierusalem Ut autem hec donacio remissio quieta clamacio stabilis et rata duret imperpetuum presens scriptum sigilli mei munimine roboravi Hiis testibus etc

Source Fulltext: Cartulary of the Knights of St. John of Jerusalem. M. Gervers. Records of Social and Economic History, New Series 23. British Academy. Oxford University Press. Oxford. 1996.