Universis etc Dei gratia abbas sancte Katerine iuxta Rotomagium salutem etc Universitati vestre patefiri volumus per hoc scriptum nos unanimi voluntate et assensu fratrum nostrorum dedisse et concessisse et quietum clamasse Deo et beate Marie et sancto Iohanni Baptiste ac beatis pauperibus sancte domus hospitalis Ierusalem et fratribus eiusdem domus in Anglia totum ius et clameum quod habuimus vel habere potuimus quocumque iure in quibusdam decimis de feodo Hugonis de Colonciis seu alibi infra limites parochie ecclesie de Stebbynge London[iensis] diocesis predicte sancte domui hospitalis Ierusalem appropriate de sedis apostolice gratia speciali in liberam puram et perpetuam elemosinam ad instanciam religiosi viri Iosep de Chauncy venerabilis prioris in Anglia absque nostri vel successorum nostrorum contradictione futuris temporibus optinendas habendas et tenendas et recipiendas predictas decimas cum omnibus suis pertinentiis libere pure et quiete inperpetuum ita quod nec nos nec successores nostri in decimis dictis aliquid iuris vel clamei vendicare poterimus vel exigere In cuius rei testimonium presens scriptum sigillo nostro communi fecimus communiri

Source Fulltext: Cartulary of the Knights of St. John of Jerusalem. M. Gervers. Records of Social and Economic History, New Series 23. British Academy. Oxford University Press. Oxford. 1996.