Sciant presentes et futuri quod ego Willelmus de Warewyc dedi concessi et hac presenti carta mea confirmavi Deo et beate Marie et sancto Iohanni Baptiste et fratribus hospitalis sancti Iohannis Ierusalem apud Mapeltrestede parvam Deo servientibus tres denarios annui redditus in liberam puram et perpetuam elemosinam pro salute anime mee parentum meorum et amicorum omnium meorum percipiendo dictos tres denarios annualis redditus de me et heredibus meis vel meis assignatis de mesuagio et curtilagio que emi de Cecilia filia Stephani le Blunt videlicet de mesuagio cum curtilagio de feodo predicti hospitalis que iacent inter mesuagium domini Simonis filii Ricardi militis et curtilagium Nicholi de Ypre ad tres terminos anni videlicet ad Pascha unum denarium et ad festum sancti Michaelis unum denarium et ad Natale Domini unum denarium pro omnibus serviciis et rebus secularibus in perpetuum et demandis In cuius rei testimonium huic presenti scripto sigillum meum apposui Hiis testibus Radulpho Martin Ricardo David Waltero le Hare Iohanne Stuket Andreo filio Philippi Hugone clerico Willelmo de Panymere et aliis Preterea ego predictus Willelmus do et concedo terciam partem omnium bonorum meorum in obitu meo et heredum meorum ubicumque fuerint inventa Datum tempore fratris Willelmi Chelesham tunc magistri de Mapeltrestede anno gratie millesimo ducentesimo septuagesimo sexto

Source Fulltext: Cartulary of the Knights of St. John of Jerusalem. M. Gervers. Records of Social and Economic History, New Series 6. British Academy. Oxford University Press. Oxford. 1982.