Anno regni regis Henrici filii regis Iohannis [quinquagesimo] quarto die dominica proxima post festum sancti Iohannis ante Portam Lati[nam] convenit inter fratrem Stephanum de Fulburne preceptorem domus hospitalis sancti Iohannis Ierusalem in Anglia ex parte una et Ricardum Giffarde rectorem ecclesie de Stebbynge per attornatos suos ex altera videlicet quod cum dictus Ricardus peteret a Stephano predicto et domo hospitalis predicti 120 et 12 marcas argenti per breve domini regis coram iusticiario de banco de arreragio cuiusdam annui redditus in quo dictus frater Stephanus et fratres dicti hospitalis dicto Ricardo per cartam suam tenentur dictus Ricardus per attornatos suos remisit predicto fratri Stephano et domui hospitalis predicte dictas 120 et 12 marcas pro triginta marcis argenti et pro 7 marcis 10 s et 8 d quas idem frater Stephanus remisit dicto Ricardo de arreragio cuiusdam annui redditus in quibus dictus Ricardus predicte domui hospitalis tenebatur pro quodam campo qui vocatur Warefelde Walrami quem predictus Ricardus a predicta domo tenet in villa de Stebbynge Ita quidem dictus Ricardus per attornatos suos remisit predicto fratri Stephano et domui hospitalis predicte peticionem suarum dictarum 120 et 12 marcarum et omnia arreragia dicti annui redditus sui usque diem dominicam predictam quod idem Ricardus ab illo die ad totam vitam suam redditum suum annuum viginti et quatuor marcas a predicta domo hospitalis sine dolo possideat videlicet ad festum sancti Michaelis 12 marcas et ad Pascha 12 marcas argenti apud London[iam] ad Fontem Clericorum domum hospitalis predicti prout in 1 carta domini Ricardi quam inde habet continetur et dictus Ricardus sine dolo et fraude quamdiu vixerit solvet predicte domui hospitalis 16 s argenti pro predicto campo duobus supradictis anni terminis equaliter divisibiles Ad maiorem premissorum securitatem convencio ista per assencionem parcium coram iusticiario de banco apud Westmonasterium in rotulo iusticiarii Henrici regis Anglie est irrotulata et partes scriptis cirografatis sigilla sua alternatim apposuerunt una cum sigillo communi fratrum dicti hospitalis scripto dicti Ricardi ad proximum capitulum eiusdem Hospitali in Anglia fideliter apponendo

Source Fulltext: Cartulary of the Knights of St. John of Jerusalem. M. Gervers. Records of Social and Economic History, New Series 23. British Academy. Oxford University Press. Oxford. 1996.