Sciant presentes etc quod ego Thomas de Marisco concessi et hac presenti carta mea confirmavi Willelmo filio Willelmi clerici de Brinkelawe totam terram cum omnibus pertinentiis quam idem Willelmus clericus de Brinkelawe tenuit de me in villa de Stebbynge scilicet de feodo monachorum de Hambeye in campo qui vocatur le Warefelde scilicet viginti acras que iacent propinquiores terre Simonis de Merk[] extendentes usque ad foveam que est in medio campi de Warefelde que tendit a parco Hugonis de Colunces usque ad terram persone de Stebbynge et unam percatam terre ad viam faciendam iuxta sepem persone que extenditur a prefata terra usque ad cheminum quod iacet iuxta ripam habendam et tenendam sibi et heredibus suis et cui assignare voluerit de me et heredibus meis in feodo et hereditate libere quiete bene et in pace in viis semitis in fossatis in pratis et in pasturis et in omnibus libertatibus predicte ecclesie pertinentibus Pro hac autem concessione et huius carte mee confirmacione dedit michi predictus Willelmus filius pretacti clerici de Brinkelawe dimidiam marcam argenti [in gersumam] Et ego prenominatus Thomas de Marisco et heredes mei warantizabimus predicto Willelmo filio prefati Willelmi clerici de Brinkelawe et heredibus suis et eius assignatis prefatam terram cum omnibus pertinentiis etc contra omnes homines et feminas Ut hec autem concessio et carte mee confirmacio rata sit et stabilis presens scriptum sigilli mei apposicione roboravi Hiis testibus etc

Source Fulltext: Cartulary of the Knights of St. John of Jerusalem. M. Gervers. Records of Social and Economic History, New Series 23. British Academy. Oxford University Press. Oxford. 1996.