Iohannes Dei gratia rex Anglie dominus Hibern[ie] dux Norm[annie][et] Aquit[anie] comes And[egavie] archiepiscopis episcopis abbatibus comitibus baronibus vicecomitibus ministris et omnibus fidelibus suis Francis et Anglicis salutem Sciatis nos dedisse et concessisse et presenti carta nostra confirmasse pro salute anime nostre et antecessorum et successorum nostrorum Deo et fratribus militibus Templi Ierosol[im]it[ani] terram de Berecholt cum pertinentiis suis quam Petrus Lyeschamps qui eam habuerat de patre nostro rege h[enrico] eis concessit et dedit et carta sua confirmavit Quare volumus et firmiter precipimus [quod] predicti fratres predictam terram de Berecholt cum pertinentiis habeant et teneant in puram et perpetuam elemosinam bene et in pace libere et quiete et honorifice cum omnibus libertatibus et liberis consuetudinibus suis et cum omnibus que ad predictam terram pertinent Hiis testibus Eustachio Elien[si] et [savarico] Bathon[ensi] episcopis Willelmo marescallo comite de Penbroc Galfrido de Bruillun Petro de Pratellis Guarino de Glapiun Willelmo de Stagno Datum per manum h[uberti] Cant[uariensis] archiepiscopi cancellarii nostri apud Sagiu[m] quarto decimo die iulii regni nostri anno primo

Source Fulltext: Cartulary of the Knights of St. John of Jerusalem. M. Gervers. Records of Social and Economic History, New Series 6. British Academy. Oxford University Press. Oxford. 1982.