Sciant presentes et futuri quod ego Robertus filius Petri de Topesfeld[] dedi et concessi et hac presenti carta mea confirmavi Petro filio Willelmi de Topesfeld[] pro homagio et servicio suo duas acras terre lucrabiles et dimidiam acram iacentes in campo qui vocatur Ruccroft scilicet inter terram Ricardi Mancell[] et terram Hendrici Oliver[] unde unum capud abuttat super terram Ricardi buscarl et aliud capud abuttat super terram Iohannis Neuman et unam acram prati iacentem in prato de Kenney scilicet inter pratum domini Thome de Bawle et pratum Iohannis de Bawle unde unum capud abbuttat super herbagium dicti Iohannis et aliud capud abuttat super Hyldegorisdig tenendas et habendas de me et heredibus meis sibi et heredibus suis vel suis assignatis vel cuicumque dictam terram cum omnibus pertinentiis et dictum pratum cum omnibus pertinentiis dare vendere legare vel assignare voluerit libere et quiete bene et in pace in feodo et hereditarie reddendo inde annuatim michi et heredibus meis ipse et heredes sui vel sui assignati duos denarios ad duos terminos anni scilicet ad Pascha unum denarium et ad festum sancti Michaelis unum denarium pro omnibus serviciis consuetudinibus sectis curiarum et secularibus demandis salvo servicio domini regis scilicet ad scutagium quando advenerit et ad plus et ad minus unum denarium Et ego dictus Robertus et heredes mei warantizabimus acquietabimus et defendemus dictas duas acras terre lucrabilis et dimidiam cum omnibus pertinentiis et dictum pratum cum omnibus pertinentiis dicto Petro et heredibus suis vel suis assignatis per predictum servicium contra omnes gentes Pro hac autem donacione concessione et carte mee confirmacione et warancia dedit michi dictus Petrus quinque marcas sterlingorum in gersumam Et ut hec mea donacio et concessio rata et stabilis in perpetuum perseveret hoc scriptum sigilli mei apposicione roboravi Hiis testibus Iohanne de Baywle Iohanne filio Willelmi Nicholao filio Willelmi Rogero Peyv[er]e Martino Riwion Olivero hose et aliis

Source Fulltext: Cartulary of the Knights of St. John of Jerusalem. M. Gervers. Records of Social and Economic History, New Series 6. British Academy. Oxford University Press. Oxford. 1982.