Sciant presentes et futuri quod ego Thomas de Tostoke concessi et dedi et hac mea presenti carta confirmavi Petro de Teppesfeld[] pro homagio et servicio suo et pro quadam summa argenti quam michi dedit in gersummam unum mesuagium meum cum edificiis et totam terram meam cum omnibus pertinentiis in villa de Tostoke sine aliquo retenemento tenenda et habenda de me et de heredibus meis dicto Petro et heredibus suis vel assignatis suis et cuicumque dictum mesuagium et dictam terram cum suis pertinentiis dare legare vendere vel assignare voluerit libere quiete bene et in pace in feodo et hereditarie reddendo inde annuatim michi et heredibus meis vel assignatis meis unum denarium scilicet ad Pascha pro omnibus serviciis consuetudinibus exaccionibus et demandis Et ego dictus Thomas et heredes mei warantizabimus acquietabimus et defendemus dictum mesuagium et dictam terram cum suis pertinentiis dicto Petro et heredibus suis vel assignatis suis et eorum heredibus per predictum servicium sicut prenominatum est contra omnes imperpetuum Hiis testibus Roberto de Tostoke Willelmo fratre suo Nicholao Bricyive de eadem Iohanne Bricyive Ricardo fratre suo Willelmo fratre suo Ade de Harlinge et aliis

Source Fulltext: Cartulary of the Knights of St. John of Jerusalem. M. Gervers. Records of Social and Economic History, New Series 6. British Academy. Oxford University Press. Oxford. 1982.