Sciant presentes et futuri quod ego Robertus buscara dedi concessi et hac presenti carta mea confirmavi Petro filio Willelmi pro homagio et servicio suo et pro una marca argenti quam michi dedit in gersumam quinque rodas terre mee lucrabilis cum suis pertinentiis iacentes in parochia de Thopefeud[] in campo qui vocatur Bakpol[] inter terram dicti Petri ex utraque parte et abuttat unum capud versus magnum cheminum quod ducit versus Hengham et aliud capud abuttat versus aquam que currit versus Keney habendas et tenendas de me et heredibus meis eidem Petro et heredibus suis vel cuicumque predictam terram cum suis pertinentiis dare vendere vel assignare voluerit et quando libere quiete bene et in pace in feodo et in hereditate reddendo inde annuatim tres denarios ad duos terminos anni videlicet ad festum sancti Michaelis 3 ob et ad Pascha 3 ob et ad scutagium cum evenerit tantum quantum pertinet ad tantam terram eiusdem feodi pro omnibus serviciis consuetudinibus sectis curiarum auxiliis et secularibus demandis Et ego dictus Robertus et heredes mei warantizabimus defendemus et acquietabimus predictam terram cum suis pasturis pascuis planis et omnibus aliis suis pertinentiis predicto Petro et heredibus suis vel suis assignatis et eorum heredibus per predictum servicium contra omnes gentes Hiis testibus Warino Grapynel Ricardo [filio] Guncelini Willelmo le buteler Willelmo le Cusyn Simone Cusyn Olivero hose Nicholao de Bridebrok[] Martino Vyvien Waltero de Buteney Iohanne Oliver[] Iohanne de Gelham et aliis

Source Fulltext: Cartulary of the Knights of St. John of Jerusalem. M. Gervers. Records of Social and Economic History, New Series 6. British Academy. Oxford University Press. Oxford. 1982.