Sciant presentes et futuri quod ego Iohannes Grapynell[] dedi concessi et hac carta mea confirmavi Willelmo filio Petri de Topesfeud[] pro homagio et servicio suo et pro quadam summa pecunie quam michi dedit premanibus 15 d annui redditus quos recipere consuevi de Roberto Passelewe et Rogero de Botenhey de tenemento quod de me tenuerunt in villa de Toppesfeld[] et Finchyngefeld[] quod tenementum quondam fuit Walteri de Botenhey una videlicet cum homagiis wardis releviis et omnibus escaetis inde accidentibus habendos et tenendos sibi et heredibus suis preterea remisi dicto Willelmo et heredibus suis quatuor denarios annui redditus quos michi solvere solebat de una crofta iacente in villa de Fynchyngefeld[] inter terram Rogeri de Botenhey ex parte una et terram Willelmi joyn[] ex altera et cuicumque dare vendere vel aliquo alio modo assignare voluerit libere quiete bene et in pace iure et hereditarie reddendo inde annuatim michi et heredibus meis predictus Willelmus et heredes sui unum granum piperis ad Pascha pro omni servicio exaccione sectis curiarum et demandis Et ego predictus Iohannes et heredes mei warantizabimus acquietabimus et defendemus predictos 15 d annui redditus cum homagiis wardis releviis et omnibus escaetis que a predicto redditu aliquo modo accidere poterint predicto Willelmo heredibus et assignatis suis in omnibus sicut predictum est per predictum servicium contra omnes mortales in perpetuum In cuius rei testimonium huic scripto sigillum meum apposui Hiis testibus Willelmo le boteler Nicholao filio Willelmi Willelmo filio Iohannis Adam cissore Willelmo Cusyn[] Martino Vyveyen[] Hamunde le Walleys et aliis

Source Fulltext: Cartulary of the Knights of St. John of Jerusalem. M. Gervers. Records of Social and Economic History, New Series 6. British Academy. Oxford University Press. Oxford. 1982.