Sciant presentes et futuri quod ego Willelmus filius Petri de Topesfeld[] concessi et dedi et hac presenti carta mea confirmavi Willelmo filio Walteri de Hauekeshale pro homagio et servicio suo et pro viginti et quinque solidis sterlingorum quos michi dedit in gersumam totam croftam cum mesuagio domibus edificiis et cum omnibus pertinentiis suis quam Angnes filia Stonwine tenuit de me in villa de Topesfeld[] sicut sepibus et fossatis includitur tenendam et habendam de me et heredibus meis illi et heredibus suis vel assignatis suis et heredibus assignatorum excepto domo religionis et Iudaismo libere et quiete integre hereditarie bene et in pace reddendo inde annuatim michi et heredibus meis ille et heredes sui vel assignati sui et eorum heredes sex denarios ad duos terminos anni scilicet ad festum sancti Michaelis tres denarios et ad Pascha tres denarios pro omnibus serviciis consuetudinibus sectis et demandis salvo servicio domini regis scilicet quando scutagium evenerit ad plus et ad minus unum denarium Et ego dictus Willelmus filius Petri et heredes mei warantizabimus dicto Willelmo filio Walteri et heredibus suis vel assignatis suis et eorum heredibus excepto domo religionis et Iudaismo totam croftam predictam cum mesuagio domibus edificiis et cum omnibus pertinentiis suis per predictum servicium contra omnes gentes in perpetuum Hiis testibus Iohanne buscarl Ricardo filio eius Roberto fratre dicti Ricardi Henrico filio Walteri Roberto filio Sehwale Gerado de Botenhey Iohanne Olivero Galfrido de Saldeford[] clerico et aliis

Source Fulltext: Cartulary of the Knights of St. John of Jerusalem. M. Gervers. Records of Social and Economic History, New Series 6. British Academy. Oxford University Press. Oxford. 1982.