Omnibus sancte matris ecclesie filiis hoc presens scriptum visuris vel audituris Willelmus de Morteyn[] miles salutem in domino sempiternam Noveritis me pro salute anime mee concessisse et hac mea presenti carta confirmasse et omnino pro me et heredibus meis quietum clamasse imperpetuum deo et ecclesie beate Marie Parcho Stanl[] et canonicis ordinis Premonst[] ibidem deo servientibus et servituris totam terram et tenementum que habent de feodo meo in villa et in territorio de Stanton[] ex donacione Galfridi Detheyk[] habend et tenend dictis canonicis et eorum successoribus de me et heredibus meis libere quiete bene et pacifice in liberam et perpetuam elemosinam reddendo inde annuatim michi et heredibus meis quatuor solidos argenti ad duos anni terminos debitos et consuetos pro omni seculari servicio sectis curiarum exaccione et demanda et omnibus aliis rebus que ad me vel ad heredes meos pertinent vel quacumque occasione pertinere poterunt imperpetuum salvo scutagio tantum Et ego dictus Willelmus de Morteyn[] et heredes mei totum predictum tenementum et terram cum omnibus suis pertinenciis quam dicti canonici habent de feodo meo in predicta villa eisdem canonicis et eorum successoribus per predictum servicum contra omnes gentes warantizabimus imperpetuum Ut autem hec mea concessio carte confirmacio et quieta clamacio perpetue firmitatis robur optineant presentem paginam sigilli mei inpressione roboravi Hiis testibus Hugone de Babington[] tunc vicecomite Notingham et Derbeye Willelmo Sancto Johanne domino Waltero perpetuo vicario de Waleshale Roberto de Muschamp in Stanton Willelmo de Sandiacre Galfrido de Detheik Helya de Osmundeston et aliis Actum anno gracie[] m cc septuagesimo secundo

Source Fulltext: Cartulary of Dale Abbey. Royal Commission on Historical Mansucripts Joint Publication, 11. Avrom Saltman. Derbyshire Archaeological Society Record Series, 2. Derbyshire Archaeological Society. H.M.S.O. London. 1967.