Sciant presentes et futuri quod ego Nicholaus de Meldona filius Gerardi dedi et concessi et presenti carta mea confirmavi Deo et beate Marie et sancto Iohanni Baptiste et beatis pauperibus sancte domus hospitalis Ierusalem et fratribus eiusdem domus quinque acras terre cum pertinentiis suis in villa de Hatfeld[] Peverel in campo qui vocatur Rycham illas scilicet que abutisent super viam que vocatur Porteweye cum libero introitu et exitu usque ad pontem qui dicitur Oxebrige in puram et perpetuam elemosinam libere et quiete ab omni seculari servicio et consuetudine et exaccione sicut aliqua terra melius et liberius in elemosinam dari potest viris religiosis vel accipi Et ego Nicholaus et heredes mei warantizabimus predictas quinque acras terre cum pertinentiis suis predictis fratribus contra omnes homines et omnes feminas in perpetuum Et ut hec donacio mea stabilis et inconcussa in perpetuum perseveret eam presentis scripti testimonio et sigilli mei apposicione munire curavi Hiis testibus magistro Alex[andro] decano sancti Pauli magistro Iohanne de Cancia magistro Gilberto de Plesiz magistro Alano Waltero Roberto Osberto Alano capellanis de Fonte Clericorum Willelmo diacono de Smeg[] Hugone capellano presentis carte scriptore et pluribus aliis

Source Fulltext: Cartulary of the Knights of St. John of Jerusalem. M. Gervers. Records of Social and Economic History, New Series 6. British Academy. Oxford University Press. Oxford. 1982.