Sciant presentes et futuri quod ego Nicholaus de Meldona filius Gerardi de Meldona concessi et presenti carta confirmavi Deo et beate Marie et sancto Iohanni Baptiste et beatis pauperibus sancte domus hospitalis Ierusalem et fratribus eiusdem domus tres acras terre in Ultinges illas scilicet quas Willelmus de Ultinges dedit predictis fratribus in puram et perpetuam elemosinam sicut carta predicti Willelmi testatur preterea ego Nicholaus dedi et concessi et hac carta confirmavi predictis fratribus unam acram terre in augmentum in eadem villa de Ultinges in Wyhtgares croft illam scilicet que iacet versus occidentem in puram et perpetuam elemosinam habendas et tenendas libere et quiete ab omni seculari servicio et consuetudine et exaccione Et ego et heredes mei warantizabimus predictas quatuor acras terre cum pertinentiis suis predictis fratribus contra omnes homines et omnes feminas in perpetuum Et ut hec concessio et confirmacio et donacio mea rata et stabilis in perpetuum perseveret eam presentis scripti testimonio et sigilli mei apposicione munire curavi Hiis testibus magistro Alayd[] decano sancti Pauli magistro Ricardo archidiacono Colcestrie magistro Iohanne de Cancia magistro Alano de sancto Paulo Waltero capellano Roberto capellano Osberto capellano et multis aliis

Source Fulltext: Cartulary of the Knights of St. John of Jerusalem. M. Gervers. Records of Social and Economic History, New Series 6. British Academy. Oxford University Press. Oxford. 1982.