Sciant presentes et futuri quod ego Iohannes le bole de Hengham Sibile dedi concessi et hac presenti carta mea confirmavi Galfrido Sossorthose in eadem villa pro quadam summa pecunie quam michi dededit premanibus unam peciam terre cum sepibus et fossatis et cum omnibus suis pertinentiis sicut includitur iacentem in villa predicta inter pasturam Willelmi Strotok ex parte una et Thome Kekoun ex parte altera et unum capud abuttat super pasturam Willelmi Strocetok et aliud capud super venellam ducentem de Halsted versus Hengham castrum habend et tenend totam predictam peciam terre cum omnibus suis pertinentiis de capitalibus dominis feodi illius predicto Galfrido et heredibus et assignatis suis per servicia inde de iure debita et consueta Et ego predictus Iohannes et heredes mei totam predictam peciam terre sicut sepibus et fossatis includitur et cum omnibus suis pertinentiis predicto Galfrido et heredibus et assignatis suis contra omnes gentes warantizabimus in perpetuum In cuius rei testimonium huic presenti carte sigillum meum apposui Hiis testibus Gilberto de Haucwod Ricardo de Caxston Gilberto de Lavenham Galfrido le bole Iohanne Pagenn et aliis Datum apud Hengham Sibile die veneris in festo annunciationis beate Marie virginis anno regni regis Edwardi filii regis Edwardi decimo

Source Fulltext: Cartulary of the Knights of St. John of Jerusalem. M. Gervers. Records of Social and Economic History, New Series 6. British Academy. Oxford University Press. Oxford. 1982.