Omnibus Christi fidelibus ad quos presens scriptum pervenerit Emma atte Longewode uxor quondam Willelmi atte Longewode salutem in Domino Noveritis me in pura viduitate mea concessisse remisisse et omnino pro me [et] heredibus et assignatis meis imperpetuum quietum clamasse Ricardo de Othelesho et Avicie uxori sue et heredibus predicti Ricardi et suis assignatis totum ius et clameum quod habui vel aliquo titulo iuris vel possessionis de cetero habere potero in tota terra vocato Londereyslond quam actenus tenuit predictus Willelmus quondam vir meus in villa de Gestingthorpe ita quod nec ego dicta Emma nec heredes mei nec aliquis nomine meo vel nomine nostro aliquid de predicta terra nec de aliquibus suis pertinentiis versus predictum Ricardum Aviciam vel heredes seu assignatos ipsius Ricardi de cetero exigere vendicare aut clamare poterimus nec debemus imperpetuum In cuius rei testimonium huic quiete clamancie sigillum meum apposui Hiis testibus Matheo belewe Thoma Edward Waltero Morell Iohanne atte Hide Ricardo de Chelmesho et aliis Datum apud Gosfeld die martis proxima post festum omnium sanctorum anno regni regis Edwardi filii regis Edwardi decimo

Source Fulltext: Cartulary of the Knights of St. John of Jerusalem. M. Gervers. Records of Social and Economic History, New Series 6. British Academy. Oxford University Press. Oxford. 1982.