Presens billa indentata facta inter Thomam Docwra priorem hospitalis sancti Iohannis Ierusalem in Anglia ex una parte et Allexandrum Frognall sponsum Elisabethe uxoris sue consanguinei et heredis Willelmi Rikhyll militis ex altera parte testatur quod predictus prior die confectionis presencium recepit et habuit de predicto Allexandro 48 s sterlingorum in plenam solucionem et satisfactionem omnium arreragiorum cuiusdam finis sive prestacionis arentationis annue quatuor solidorum die mercuris in septimana Pentecoste annuatim solvendorum predicto priori et successoribus suis ut re dimidio hundredo de Witham in comitatu Essex dicti prioris pertinente pro manerio ipsorum Allexandri Frognall et Elisabethe in iure ipsius Elisabethe uxoris sue vocato Moklyngtonhall in comitatu predicto a principio mundi usque diem confectionis presencium de quibus quidem 48 solidis predictus prior fatetur se bene et fideliter esse solutum dictosque Allexandrum Frognall et Elisabetham uxorem suam inde totaliter fore quietos et exoneratur in perpetuum per presentes In cuius rei testimonium partes predicti presentis billis indentatis sigilla sua alternatim apposuerunt Datum quinto decimo die octobris anno regni regis Henrici octavi tercio By me Alexsaunder Frognall

Source Fulltext: Cartulary of the Knights of St. John of Jerusalem. M. Gervers. Records of Social and Economic History, New Series 6. British Academy. Oxford University Press. Oxford. 1982.