Universis sancte matris ecclesie filiis tam presentibus quam futuris Willelmus filius Audelini domini regis dapifer salutem in Domino Noverit universitas vestra quod ego concessi dedi et presenti carta confirmavi Deo et beate Marie et sancto Iohanni Baptiste et beatis pauperibus sancte domus hospitalis Ierusalimitani et fratribus in eadem domo Deo servientibus ecclesiam ville mee de parva Mapeltrestede cum terris et decimis et obvencionibus et omnibus ad eam pertinentibus et ius patronatus quod in ea habui habend et perpetuo pacifice possidendam cum omnibus communibus aisiamentis in bosco et plano et omnibus aliis locis eiusdem ville absque omni reclamacione mei vel heredum meorum ita quod quociens eam vacare contigerit de ea sicut de sua ad commodum domus sue pro voluntate sua absque omni impedimento disponant Hanc donacionem feci ego eis in puram et perpetuam elemosinam sicut aliqua elemosina melius et liberius viris religiosis dari potest pro salute Henrici regis Anglie domini mei et mea et heredum meorum et pro anima Iuliane uxoris mee et pro anima patris et matris mee et omnium parentum et amicorum et antecessorum meorum ut omnium elemosinarum et beneficiorum que in sancta domo illa fuerint participes existamus in perpetuum quod ut firmum et stabile perseveret presenti scripto et sigilli mei atestacione curavi confirmare Hiis testibus Valeriano priore et Augustino canonico sancte Marie de Sudwerc Waltero et Serlone capellanis hospitalis anno incarnacionis dominice millesimo centesimo octogesimo sexto sexto decimo kalendas aprilis apud London[iam]

Source Fulltext: Cartulary of the Knights of St. John of Jerusalem. M. Gervers. Records of Social and Economic History, New Series 6. British Academy. Oxford University Press. Oxford. 1982.