Omnibus Christi fidelibus Johannes dei gratia Norwicensis Episcopus Salutem in domino Universitati vestre notum esse volumus Gilbertum Priorem de Butteleia ex assensu et voluntate conventus eiusdem loci in manu nostra sponte resignasse ecclesiam de Leestun[] cum capella de Alringeham et pertinentiis suis liberam et quietam quam predicto Priori et conventui confirmaveramus similiter et decimas de dominico de Leestun[] quas de monachis de Eya tenebant annuatim decem solidos solvendo Hanc itaque ecclesiam liberam et vacantem cum predicta capella et pertinentiis Roberto Abbati sancte Marie de insula de Leestun[] et canonicis ibidem deo servientibus et servituris concessimus et dedimus ad presentationem illustris viri Rannulfi de Glanvilla eiusdem ecclesie patroni Hanc itaque ecclesiam Prefatis canonicis eorum usibus in perpetuum profuturam presenti scripto et sigilli nostri appositione confirmamus salvo iure et obedientia sancte Norwicensis ecclesie et salva honesta sustentatione eius qui in eadem ecclesia ministrabit Facta sunt autem hec anno ab incarnatione domini m c lxxxv apud Hoxham in die sancti Hilarii presente Rannulfo de Glanvill[] Walkelino Archidiacono Huberto Waltero

Source Fulltext: Leiston Abbey Cartulary and Butley Priory Charters. Richard Mortimer. Suffolk Charters, V.1. Suffolk Records Society. Boydell and Brewer. Ipswich, Suffolk. 1979.