Omnibus Christi fidelibus ad quos presens scriptum pervenerit Ida filia quondam Ricardi Utlawe de Bumsted Helyun salutem in Domino sempiternam Noveritis me in pura viduetate et legitima potestate mea concessisse dimisisse et omnino pro me et heredibus meis vel meis assignatis [quietum clamasse] Deo et beate Marie et sancto Iohanni Baptiste et fratribus hospitalis de Mapeltrestede totum ius et clameum quod habui vel aliquo modo habere potui in sex denariis redditus et redditu duorum caponum in liberam puram et perpetuam elemosinam quod Alanus quondam vir meus dicte domui vendidit ita tamen quod nec ego nec heredes mei nec aliquis nomine meo in predictis sex denariis redditus et redditu duorum caponum aliquid iuris vel clamei de cetero petere vel vendicare poterimus In cuius rei testimonium huic presenti scripto sigillum meum apposui Hiis testibus Iohanne de Beucham milite Andrea de Helyun Willelmo de Olmested Iohanne de Olmested Thoma Launcelyn Iohanne Launcelyn Willelmo de Panymere et aliis Datum in itinere iustic[iariorum] apud Chelmerefod anno regni regis Edwardi terciodecimo

Source Fulltext: Cartulary of the Knights of St. John of Jerusalem. M. Gervers. Records of Social and Economic History, New Series 6. British Academy. Oxford University Press. Oxford. 1982.