Sciant presentes et futuri quod ego Isabella de Oddewelle concessi dedi et hac presenti carta mea confirmavi Ade Goldston[] pro servicio suo et pro centum solidis argenti quos michi premanibus dedit in gersummam unum mesuagium cum edificiis et omnibus aliis pertinentiis suis quod habui in villa de Gestingthorpe illud scilicet mesuagium quod vocatur Odewelle una cum terris arabilibus boscis pratis pasturis viis semitis sepibus fossatis et cum homagiis redditibus wardis herietis releviis escaetis consuetudinibus libertatibus et omnibus aliis aisiamentis ad dictum mesuagium et dictum tenementum quocumque modo spectantibus tam infra villam quam extra et cum rebus cuntis que michi vel heredibus meis ratione tocius predicti tenementi et predicti redditus quocumque modo accidere potuerunt vel debuerunt habendum et tenendum de me et heredibus meis vel meis assignatis predicto Ade et heredibus suis vel suis assignatis vel cuicumque quibuscumque et quandocumque totum predictum tenementum cum omnibus predictis pertinentiis suis dare vendere vel alio modo assignare voluerit exceptis domibus religiosis et Iudeis libere quiete bene in pace integre et iure hereditarie imperpetuum reddendo inde annuatim pro me et heredibus vel assignatis meis predictus Adam heredes vel assignati sui capitalibus dominis feodi totum servicium quod ad predictum tenementum pertinet et michi et heredibus vel assignatis meis unam rosam ad festum nativitatis sancti Iohannis Baptiste pro omnibus serviciis consuetudinibus auxiliis et omnibus aliis actionibus et secularibus demandis Et ego predicta Isabella et heredes mei vel mei assignati warantizabimus acquietabimus et defendemus totum predictum tenementum cum omnibus predictis pertinentiis suis predicto Ade et heredibus suis vel suis assignatis per predictum liberum servicium contra omnes gentes imperpetuum In cuius rei testimonium huic presenti carte sigillum meum apposui Hiis testibus Roberto de Chelmesho Nicholao clerico Galfrido filio Hugonis Thoma filio Willelmi Willelmo Lundreys Willelmo de Leffeudewelle Waltero Ramage et aliis

Source Fulltext: Cartulary of the Knights of St. John of Jerusalem. M. Gervers. Records of Social and Economic History, New Series 6. British Academy. Oxford University Press. Oxford. 1982.