Sciant presentes et futuri quod ego Simon de Nereford de parva Mapeltrestede concessi dedi et hac presenti carta mea confirmavi Deo et beate Marie et sancto Iohanni Baptiste et fratri Iosep tunc priori hospitalis in Anglia et fratri Willelmo de Chelesham tunc preceptori de Mapeltrestede et fratribus hospitalis sancti Iohannis Ierusalem apud Mapeltrestede commorantibus et ibidem Deo servientibus pro anima mea et animabus patris mei et matris mee et omnium parentum et benefactorum meorum tres denarios annualis redditus percipiendos ad duos anni terminos videlicet ad Pascha tres obolos et ad festum sancti Michaelis tres obolos de una acra terre quam Willelmus Ingelot tenuit de Beatrice matre mea in villa de Pebeners iacente inter terram dicti Willelmi et viam que ducit de domo Willelmi Hoseloc versus Suberyam habend et tenend dictos tres denarios cum homagiis wardis releviis herrietis escaetis et omnibus aliis pertinentiis que de dicto redditu de dicta terra poterunt evenire dictis fratribus et eorum successoribus in liberam puram et perpetuam elemosinam libere quiete bene et in pace in perpetuum et si ita contigerit quod dictus redditus ad dictos terminos predictis fratribus vel eorum certo nuncio non sit libere solutus quod absit bene licebit predictis fratribus et eorum nuncio predictum tenementum distringere pro predicto redditu non soluto et districtam retinere quousque predictis fratribus vel eorum nuncio de predicto redditu sit plenarie satisfactum In huius rei testimonium huic presenti carte mee sigillum meum apposui Hiis testibus Ricardo le archer Hugone Ioye Roberto de Herlaue Gilberto le Geg Iohanne Ioye Thoma de la Mere et Willelmo de Panimere et aliis Datum apud Mapeltrestede hospitale die mercurii proxima post clausum Pasche anno Domini millesimo ducentesimo septuagesimo sexto

Source Fulltext: Cartulary of the Knights of St. John of Jerusalem. M. Gervers. Records of Social and Economic History, New Series 6. British Academy. Oxford University Press. Oxford. 1982.