Omnibus Christi fidelibus etc Humfridus de Bereforde miles salutem in domino Noueritis me ad festum purificacionis beate Marie anno domini millesimo cc lxx sexto concessisse dedisse et presenti carta mea confirmasse deo et ecclesie beate Marie de Bisshemade et canonicis ibidem deo seruientibus et in perpetuum seruituris quinque acras et dimidiam rodam terre pro aliis eorundem quinque acras et dimidiam rodam terre quas de feodo meo tenuerunt in uilla de Bereforde videlicet quatuor seliones terre cum pertinenciis iacentes in Snakeforlong inter terram ipsorum canonicorum et terram Willelmi Freshering et duos seliones in eadem cultura cum pertinenciis inter terras dicti Willelmi et Johannis Gerome et nouem seliones super Mixhul cum pertinenciis inter terras dictorum canonicorum et quatuor seliones super le Clay cum pertinenciis inter terras dictorum canonicorum et Johannis de Flanuile et duos seliones cum pertinenciis in cultura que uocatur le Northfeld inter terras dictorum canonicorum et Johannis le Child et unus gerun in eadem cultura cum pertinenciis inter [terram] Humfridi Tassel et Helye de Sancto Neoto et quatuor rodas terre et dimidiam cum pertinenciis que uocantur cheuescis iacentes extra mesuagium predictorum canonicorum infra clausum suum ex parte aquilonari in inferiori capite illius culture que uocatur le Mixhul habend et tenend dictis canonicis in liberam et perpetuam elemosinam cum omnibus pertinenciis et asiamentis suis pro quinque acris et dimidia roda terre quarum dimidia acra iacet apud Grimiston inter terram abbatis et terram Simonis le Botiller et dimidia acra et una roda et dimidia roda cum pertinenciis in Rikelotisfeld inter terras Johannis de Burdeleys et Ricardi Clogon et dimidia roda in eodem campo cum pertinenciis inter terras Jeronimi de Bereford[] et Radulfi Wrench et duo seliones in campo de Bonedune cum pertinenciis iuxta terram Ricardi Bustrich et dimidia acra in eodem campo cum pertinenciis iuxta terram Willelmi Hunf[] et duo seliones cum pertinenciis in eodem campo iuxta terram Johannis et unus selio cum pertinenciis in Rikelotesfeld iuxta terram le Writhe et una roda cum pertinenciis super le Woweforlong iuxta terram Radulfi Wrench et unus selio in eodem campo cum pertinenciis iuxta terram Simonis le Botiller et unus selio in eodem campo cum pertinenciis iuxta terram Godefridi Batke et una roda in eodem campo cum pertinenciis iuxta terram Johannis Freyshering et unus gerun in Langehulfeld[] cum pertinenciis iuxta terram Johannis de Bretteuil[] et due rode cum pertinenciis apud Kakerelesbrock et una roda cum pertinenciis apud Potterislowe et una roda et dimidia roda apud Lamputtis tenend et habend ita solute et quiete sicut predictas terras quas mihi in escambium dederunt ante confectionem huius scripti liberius solucius et quiescius tenuerunt Et ego Humfridus et heredes mei uel mei assignati predictas terras quas eis in escambium dedi dictis ecclesie et canonicis contra omnes mortales warantizabimus acquietabimus et defendemus in perpetuum per predictum escambium In cuius rei testimonium parti istius scripti cirograffati penes dictos canonicos residenti sigillum meum apposui Et alteri parti penes me remanenti sigillum commune capituli dictorum canonicorum est appositum Hiis testibus etc

Source Fulltext: Cartulary of Bushmead Priory. G. H. Fowler and J. Godber. Bedfordshire Historical Records Society, V.22. Bedfordshire Historical Records Society. Stretley. 1945.